OGHJE HÈ CARNAVALE !
Issu carnivali quì teni propiu u so filu pedagogicu.
Da maestra fini è antivista, Mariantonia Salini ci pruponi quì, cù l’arrembu à dissegni di bedda fattura di Marc Goncalves, una fuletta carca zuffa di putinzialità di sfruttera senza nemmenu una cunsigna.
À stu liveddu quì di l’aducazioni di i chjuchi, u fattu d’andassini di foli in canzoni, ùn hè non solu manc’appena sprizzativu ma hè ancu propiu fattivu, mischjendu u piacè è l’imparera.
A fola dici da par idda è tocca à ugnunu di caccianni tuttu u prò pedagogicu.
Senza scurdassi di u principali : u piacè