A U FILU DI E STAGIONE JEU

À l’iniziu, ci hè una maestra. Una di quelle impegnate nant’à a via di l’insignamentu bislinguu, aggalabata à circà è à truvà i mezi da affascinà i so sculari : ghjochi, teatru, situazioni reali di cumunicazione è tant’altri ricchissimi puntelli per sviluppà e so cumpetenze linguaghjaghje. È pò a maestra diventa furmatrice è s’avvede chì ci vole à mudelizà un metudu per aiutà i prufessori di e scole materne bislingue. Basta à pensà la ! Tandu volta filandrina : fila è tesse un sapè fà accatastatu da anni è anni per fanne un arnese pedagogicu fattu è lestu di prima trinca. Di chè ralegrà tutti quelli in cerca d’un attrazzu praticu, piacevule è di qualità ! Aiò ! Demu a manu à Marcu è Fiffina è lascemu ci purtà… à u filu di e stagione !